Franca dhe Gjermania së bashku kanë propozuar disa sanksione kundër individëve nga Rusia, për shkak të helmimit të kritikut të Kremlinit, Alexei Navalny, kanë bërë të ditur katër diplomatë të mërkurën, raporton Reuters.
Navalny ishte helmuar me një agjent të familjes Novichok.
Këto dy vende do të propozojnë këto sanksione në Bruksel gjatë kësaj jave, para takimit të ministrave të jashtëm të Bashkimit Evropian që mbahet javën tjetër.
Propozimet për sanksione do të jenë kundër zyrtarëve të inteligjencës ushtarake të Rusisë, GRU, kanë bërë të ditur dy diplomatë.
