Franca ka qenë një nga vendet më të goditura nga pandemia e koronavirusit.
Me turizmin që mbetet në shifra afër zeros dhe sipërmarrje që tashmë kanë deklaruar falimentimin e tyre, priten muaj të zymtë për ekonominë e një prej vendeve lider të Bashkimit Europian.
Por ka edhe njerëz që ofrojnë alternativa të mundshme. Një nga biznesmenët më të njohur në vend, Stephane Distinguin, CEO i kompanisë teknologjike Fabernovel, mendon se këto asete mund të identifikohen thjeshtësisht me disa nga pikturat që prej shekujsh mbrohen në muzetë e Parisit.
“Ditë pas dite, situata po bëhet gjithmonë më e vështirë. Ende po llogarisim miliardat që po humbasim, dhe nuk do të kthehen më. Për këtë arsye duhet të shesim asete të rëndësishme me çmimin më të lartë të mundshëm, por që të mos na pengojnë të ardhmen. Pikturat lëvizin me thjeshtësi, dhe ne kemi shumë prej tyre. Llogaris që “Mona Liza” mund të shitet për një shifër jo më pak se 50 miliardë euro. Disa thonë se është çmim i ekzagjeruar, por nuk kanë dhënë një shpjegim racional për kundërshtimin”, u shpreh ai.
Përveç shitjes, Stephane Distinguin gjithashtu sugjeroi që Mona Lisa të shkëmbehej me vendet e tjera me kriptovalute.
“Do të ishte si një abonim global”, shpjegoi CEO i Fabernovel, duke pohuar se ligjërisht dhe teknikisht, kjo zgjidhje do të kishte shumë përparësi pasi do t’i lejonte Francës dhe Luvrit të mbajnë kontrollin mbi veprat e artit.
