Presidenti i Francës, Emmanuel Macron, i premtoi kryeministrit të Malit të Zi, Milojko Spajiç, se Mali i Zi do të jetë anëtari i parë i ardhshëm i Bashkimit Evropian.
Në këtë takim është diskutuar edhe për një dokumenti strategjik, i cili do të jetë baza për partneritetin mes dy shteteve.
Franca i ka ofruar Malit të Zi ndihmë me ekspertë në procesin e integrimit evropian. Investimet franceze përfshijnë mbrojtjen, shëndetësinë, ndërtimin e autostradave dhe hekurudhave në Malin e Zi.
Spajiç i shprehu presidentit Macron dëshirën për organizimin e Samitit të Komunitetit Politik Evropian këtë vit në Malin e Zi.
“Macron tha se Mali i Zi do të jetë anëtari i parë i radhës në Bashkimin Evropian. Së pari ne do të punojmë në fushën e mbrojtjes, më pas ministrat e Shëndetësisë do të takohen në Paris për të punuar në pjesën e projekteve shëndetësore. Është edhe në kontekstin e infrastrukturës, zhvillimit të autostradave dhe hekurudhave, sikurse edhe ekologjinë. Presim zhvillime pozitive në marrëdhëniet bilaterale”, tha ai për radiotelevizionin e Malit të Zi, derisa takimin me Macron e ka përshkruar si fenomenal.
