Qeveria franceze rivendosi me dekret gjendjen e urgjencës shëndetësore, duke filluar nga e shtuna, më 17 tetor në mesnatë, në të gjithë territorin kombëtar, për shkak të përkeqësimit të epidemisë COVID-19.
“Përkeqësimi i epidemisë, i përshkruar si një katastrofë shëndetësore, justifikon deklarimn e gjendjes së urgjencës shëndetësore, në mënyrë që të mund të ndërmerren masa në mënyrë rigoroze proporcionalisht me rreziqet shëndetësore të ndodhura”, deklaroi në një raport Këshilli i Ministrave.
Njoftim vjen pak para një fjalimi në orën 20:00 të mbrëmjes nga presidenti francez, Emmanuel Macron, i cili, sipas zëdhënësit të tij, duhet të shpallë shtetrrethime në disa qytete të mëdha të Francës, ku po përparon epidemia.
Gjendja e urgjencës shëndetësore, e cila u hoq më 10 korrik, ofron një kornizë ligjore për kontrollimin e disa kufizimeve, duke përfshirë edhe izolimin.
Epidemia ka vrarë më shumë se 32 000 persona në Francë.
