Sipas hulumtimeve të reja në Francë, nikotina mund të mbrojë njerëzit nga infektimi i koronavirusit.
Testime të mëtejshme janë planifikuar për të provuar nëse substanca mund të përdoret për të parandaluar ose trajtuar sëmundjen vdekjeprurëse.
Zbulimet vijnë pasi në një spital të Parisit studiuesit ekzaminuan 343 pacientë me koronavirus së bashku me 139 persona të infektuar nga sëmundja me simptoma më të buta.
Ata zbuluan se një numër i vogël i tyre pinin duhan.
“Në mesin e këtyre pacientëve, vetëm pesë përqind ishin duhanpirës”, tha Zahir Amoura, bashkëautor i studimit dhe profesor i mjekësisë.
Hulumtimi bëri jehonë, gjetje të ngjashme u botuan edhe në New England Journal of Medicine muajin e kaluar që sugjeruan që 12.6 përqind nga 1000 personave të infektuar në Kinë ishin duhanpirës. Kjo ishte një shifër shumë më e ulët se numri i duhanpirësve të rregullt në popullatën e përgjithshme të Kinës, që është rreth 26 përqind, sipas Organizatës Botërore të Shëndetit (OBSH).
Teoria është se nikotina mund të përmbahet në receptorët e qelizave, prandaj bllokon virusin nga hyrja në qelizat dhe përhapet në trup, sipas neurobiologut të njohur Jean-Pierre Changeux nga Instituti i Francës Pasteur, i cili është gjithashtu bashkëautor i studimit.
Studiuesit janë në pritje të aprovimit nga autoritetet shëndetësore në Francë për të kryer prova klinike të mëtejshme. Ata planifikojnë të përdorin nikotinë për mjekët në spitalin e Pitie-Salpetriere në Paris – ku u krye studimi fillestar – për të parë nëse i mbron ata nga kontraktimi i virusit.
Ata gjithashtu kanë aplikuar për ta përdorur tek pacientët e shtruar në spital për të parë nëse kjo ndihmon në zvogëlimin e simptomave dhe gjithashtu tek pacientët që janë në kujdes intensiv, tha Amoura.
Por kërkime të mëtejshme janë të nevojshme, ekspertët nuk po i inkurajojnë njerëzit që të fillojnë pirjen e duhanit ose të përdorin nikotine si masë mbrojtëse kundër virusit. “Ne nuk duhet të harrojmë efektet e dëmshme të nikotinës,” tha Jerome Salomon, zyrtar i lartë i sistemit shëndetësor në Francë. “Ata që nuk pinë duhan nuk duhet të përdorin zëvendësues të nikotinës”, të cilat shkaktojnë efekte anësore dhe varësi, paralajmëroi ai.
Duhani është vrasësi numër një në Francë, me rreth 75,000 vdekje në vit.
Franca është një nga vendet më të goditura nga koronavirusi në Evropë, me më shumë se 21,000 vdekje dhe mbi 155,000 infeksione të raportuara. / bota.al
