Francezët sot dalin në zgjedhje presidenciale, që do të mund të ishin një lloj kthese për këtë shtet evropian.
Sipas anketave, “lufta e ashpër” do të zhvillohet mes presidentit aktual Emmanuel Macron dhe Marine Le Pen e Jean-Luc Melenchon, transmeton Telegrafi.
49 milionë qytetarë francezë kanë të drejtë vote, ku dy nga 12 kandidatët do të duhej të shkonin në raundin e dytë, në rast se asnjëri prej kandidatëve nuk fiton 50 për qind të votave në raundin e dytë.
Siç raporton BBC, Macron që kërkon një mandat tjetër – nuk ka kaluar edhe aq shumë kohë në fushatë zgjedhore, për faktin se është i fokusuar më shumë në luftën në Ukrainë.
Një temë ka dominuar në fushatën parazgjedhore, e bëhet fjalë për shpenzimet e mëdha për jetën e qytetarëve francezë.
Macron dhe Le Pen kanë qenë në “garë të ashpër” në zgjedhjet e fundit të vitit 2017. Asokohe 66.1 për qind e francezë i dhanë përkrahjen Macronit, derisa Le Pen mbeti me 33.9 për qind.
