Prindërit e Iliara Sulës, 22-vjeçares shqiptare e cila u vra nga i dashuri i saj filipinas Mark Samson, kanë rrëfyer detaje rreth herës së fundit kur kanë kontaktuar me të bijën.
Në në një rrëfim ekskluziv për emisionin “Me Zemër të Hapur”, babai i të ndjerës u shpreh se, biseda e tyre e fundit kishte zgjatur 15 minuta dhe tema e diskutuar ishte ajo e rutinës së përditshme.
Ai thekson se, vajza u kishte thënë se do të kthehej pas disa ditësh në shtëpi. Mes dhimbjesh por me shpresë, ata shprehen se vijojnë të luftojnë për drejtësinë.
“Për ne nuk ka më jetë sepse kur një prind humb një fëmijë ka humbur gjithçka. Jemi dy të gjallë që frymojmë për të çuar drejtësinë e saj deri në fund. 25 mars ka qenë dita që kemi folur për herë të fundit me Ilarian, foli me mua dhe bashkëshorten time. Biseda ishte e zakonshme, e pyetëm çfarë kishte bërë atë ditë dhe si i shkonin studimet, rutina e përditshme kur flisnim bashkë. Biseduam rreth 15 minuta dhe nuk na dha asnjë sinjal që të na linte të kuptonim diçka,. Nuk kuptuam diçka sepse nuk do të rrija pa bërë gjë.
Ilaria na tha do të vit ë shtunën në mëngjes në datën 29 në shtëpi. Më tha do të vi dhe më lër një takim në parukeri. Prisnim të vinte të shtunën në mëngjes në shtëpi. Që të martën as vetë nuk e kuptoj se si nuk folëm kurrë në telefon, kur më parë në mos çdo ditë një herë në dy ditë flisnim patjetër. Më 29 ime shoqe i çoi sms ta pyeste nëse e mori trenin, por sms nuk shkonte dhe telefoni dilte i fikur. Kjo nuk kishte ndodhur kurrë më parë dhe u alarmuam. Menduam që mbase kishte humbur telefonin, treni erdhi dhe iku, por Ilaria nuk erdhi kurrë”, tha ai.
