Ekipet e kërkim-shpëtimit të Gardës Kombëtare të Forcës së Sigurisë së Kosovës po realizojnë operacionet e kërkim-shpëtimit pas vërshimeve ditëve të fundit si pasojë e reshjeve të mëdha.
“Operacionet janë duke u realizuar në disa lokacione të territorit të Republikës së Kosovës: Fushë-Kosovë, Gjakovë, Drenas, objektin e Klinikës së Pulmologjisë në QKUK, ku ekipet janë duke realizuar operacionet e ndihmës për personat e ngujuar nëpër shtëpitë e tyre”, thuhet në njoftimin e FSK-së.
KOHA po raporton vazhdimisht për dëmet e shkaktuara në komunat e Kosovës për shkak të reshjeve, sidomos natën e kaluar. Instituti Hidrometeorologjik njoftoi se niveli i Drinit të Bardhë po rritet shpejtë.
