Shefi i Twitter, Elon Musk, ka zbuluar se do të ndryshojë logon ikonike të këtij rrjeti social, duke eliminuar zogun blu.
Kreu i Tesla dhe SpaceX, i cili bleu Twitter-in tetorin e vitit të kaluar, postoi në këtë rrjet social të dielën në mëngjes se logoja aktuale do të zëvendësohet me një “X” të thjeshtë, sapo të gjejë dizajnin e duhur të kësaj shkronje.
“Së shpejti do t’i japim lamtumirën brendit twitter dhe pak e nga pak të gjithë zogjve. Nëse një logo X e mirë postohet sot, që nesër mund ta ndryshojmë”, shkruan Musk.
Logoja aktuale e Twitter-it, e njohur si Zogu Larry, ka qenë emblema e këtij rrjeti social që kur është krijuar në vitin 2006, me dizajnin aktual që është në përdorim nga viti 2012.
