Garda Kombëtare e Kuvajt njoftoi se një nga vendet e saj u shënjestrua nga dronë armiqësorë të enjten, duke shkaktuar dëme materiale, por jo të lënduar. Është e paqartë se nga kanë origjinën dronët.
Ushtria e Kuvajtit tha më parë se po i përgjigjej sulmeve nga dronë që kishin hyrë në hapësirën e saj ajrore dhe kishin në shënjestër disa objekte jetësore.
“Autoritetet kompetente në Gardë menjëherë filluan të marrin masat e nevojshme të sigurisë dhe në terren për t’u marrë me incidentin”, tha zëdhënësi i Gardës Kombëtare, Judaan Fadel.
Sulmet ndodhën pasi armëpushimi SHBA-Iran hyri në fuqi të mërkurën. Vendet arabe të Gjirit Persik kishin raportuar për herë të fundit për interceptime raketash atë pasdite.
Përpara sulmeve, Kuvajti tha më herët të enjten se nuk kishte raportuar asnjë lëvizje ushtarake në 24 orët e fundit dhe se situata në vend ishte e qëndrueshme.
