Shefi i deputetëve të LDK-së, Arben Gashi ka deklaruar sot para mediave se të shtunën është thirrur seanca për votim të qeverisë së re.
Ai nuk ka dhënë detaje të marrveshjeve të nënshkruara, e as për ministritë e emrat e ministrave.
Gashi tha se e kanë dorëzuar kërkesën me 61 nënshkrime.
“Nuk flas në emër të z.Hotit po ne emër të deputetit, marrëveshjet i prezanton kandidati. I kemi votat, kërkesa për seancë është bë me 61 nënshkrime për seancë”, tha ai.
Ai nuk ka pranuar të flasë i pyetur se si do të reagojnë nëse Vetëvendosje bën rezistencë. Për qeverinë tha se vendos kuvendi.
“Nuk është pytje për mu kjo, është vendim i Kuvendit, Kuvendi vendos dhe zgjedh një qeveri, nëse dikush do me dalë kundër është cështje e tyre nuk mundem me paragjyku se cilat do të jenë veprimet e njerëzve. Kemi një kërkesë për seanca, i propozojmë kuvendit një zgjidhje aty vendoset. Mirë është për këndëvshtrimin tonë që vendi të ketë një qeveri sa më shpejtë”, ka deklaruar ai.
