Gazeta britanike “The Guardian” bëri të ditur se paqja në Ballkan sërish është rrezikuar dhe se qeveritë e Bashkimit Evropian duhet t’i kundërvihen qeverisë serbe sa nuk është tepër vonë.
Në analizën e situatës në Evropë përmendet edhe Serbia e Aleksandër Vuçiqit si “kali i Trojës së Putinit”.
Në tekst, ndër të tjera, thuhet se Britania e Madhe duhet të afrohet më shumë me komunitetin politik evropian pas BREXIT-it.
Djaloshi bart shenja ruse në kapelë gjersa nacionalistët serbë të Bosnjës protestuan në Banja Luka në mbështetje të agresionit në Ukrainë nga Vladimir Putin
“Por mbrojtja më e fortë nga Rusia do të thotë gjithashtu se kuajt e Trojës së Putinit, si Hungaria e Viktor Orbanit dhe Serbia e Aleksandar Vuçiqit, duhet të kundërshtohen më me vendosmëri. Kjo ngre pikëpyetje në radhë të parë për zbatimin e obligimeve themelore ligjore të anëtarësimit të Hungarisë në BE dhe statusin e mëtutjeshëm të Serbisë, si vend kandidat për anëtarësim në BE”, thuhet në tekst.
Ai i referohet edhe situatës në Evropë, lidhjeve mes Britanisë së Madhe dhe BE-së, Ballkanit Perëndimor.
Autor të analizës janë Daniel Conn – Bendit, i cili drejton të Gjelbrit në Parlamentin Evropian, Timothy Garton Ash, profesor i studimeve evropiane në Oksford, Ireneusz Pavel Karolevski, profesor i teorisë politike dhe demokracisë në Universitetin e Leipzig, dhe politikani Klaus Legevi.
