Nëkuptojnë se ka qenë ish-kryeministri ai që ka kërkuar vlera të majme prej tyre dhe jo e kundërta.
Ambasada e Rusisë në Tiranë i është përgjigjur ish-kryeministrit Sali Berisha, i cili një ditë më parë tha se Gazprom i ka ofruar shuma përrallore dhe ka dashur ta korruptojë, por që ai vetë e ka refuzuar. Në një status në rrjetet sociale, ambasada e pyet Berishën se çfarë shume kërkoi që as vetë Gazprom nuk ia mblidhte dot, duke nënkuptuar se ka qenë ish-kryeministri ai që ka kërkuar vlera të majme prej tyre dhe jo e kundërta.
“U habitëm nga fjalët e Sali Berishës se 10 vjet më parë ai refuzoi rryshfetin gjoja të propozuar nga Gazprom për zhvillimin e projekteve energjetike në Shqipëri. Na lind natyrshem pyetja: sa kërkoi zoti Berisha që as Gazpromi nuk mundi t’i mbledhë dot ato “shuma përrallore”?”- shkruhet në postim.
Ish-kryeministri Berisha tha se kishte refuzuar ofertat përrallore nga rusët për të përkrahur projektet e tyre, duke përmendur më pas me emër kompaninë Gazprom. Këtë deklaratë e bëri para Kuvendit, pas lajmit se Gazsjellësi Transadriatik TAP njoftoi se ka dërguar në Europë mbi 10 miliardë metër kub gaz.
