Mesfushori Valon Behrami më nuk është futbollist i skuadrës së Genoas që bën gara në Serie A. Ekipi italian të premten e ka konfirmuar largimin e Behramit.
Në njoftimin e shkurtër të klubit thuhet se Behrami e ka shkëputur kontratën me Genoan që i skadonte në fund të këtij edicionit.
“Faleminderit për gjithçka, Valon!”, ishte përshkrimi i Genoas në “Twitter” për largimin e Behramit.
36-vjeçari iu bashkua Genoas si lojtar i lirë në janar të vitit 2020 dhe për një periudhë e barti edhe shirtin e kapitenit.
Këtë sezon, Behrami ka regjistruar vetëm dhjetë paraqitje në Serie A.
