Biznesmeni Gerond Mece është përfshirë në një ngjarje të rëndë, ku u mor peng për disa orë nga persona të paidentifikuar, dy javë para rastit të Daniel Shimes, sipas të dhënave nga dosja e AKSHI-it.
Ngjarja ndodhi në garazhin e banesës së tij, ku persona të paidentifikuar e ndoqën Mece për disa orë. Pasi ai hyri për të parkuar makinën, një nga sulmuesit, i veshur me një uniformë të vjetër policie, i tha: “Jemi Policia e Shtetit”.
Nën kërcënimin e situatës, Mece u detyrua të hipte në një makinë ku fytyra i ishte mbuluar dhe u dërgua në një zonë pranë Elbasanit. Atje, sulmuesit i dorëzuan një telefon celular dhe i kërkuan të telefononte administratorin, me qëllim të tërhiqte një ankimi të bërë për një tender me vlerë të konsiderueshme. Ai e bëri telefonatën, por ankimi nuk u tërhoq fizikisht.
Pas kësaj, Mece u largua nga zona, mori një makinë tjetër dhe u nis drejt banesës së tij në Tiranë. Nën presion të vazhdueshëm, ai nuk ka bërë kallëzim në polici, por ka njoftuar Ambasaden Gjermane. Pas ngjarjes, ai dhe familja e tij janë larguar nga Shqipëria.
Largimi i tij ka ndikuar edhe në funksionimin e kompanisë së tij, duke sjellë ndërprerje të aktivitetit të përditshëm, ndërsa disa punonjës janë bashkuar me kompaninë “Soft Solution” të Ermal Beqirit, që aktualisht është në kërkim bashkë me Ergys Agasin.
