Ministrja e Punëve të Jashtme dhe Diasporës, Donika Gërvalla, ka njoftuar se ka zhvilluar takim me emisarin e Bashkimit Evropian për dialogun Kosovë-Serbi, Miroslav Lajçak dhe zëvendësndihmësin e sekretarit të Shtetit, Matthew Palmer.
Përmes një postimi në Twitter ajo ka shkruar se në takim është biseduar rreth Kosovës, stabilitetin në rajon dhe bisedimet e ardhshme me Serbinë.
“Presim të vazhdojmë shkëmbimin në këtë epokë të re me SHBA-në, BE-në dhe partnerë të tjerë kryesorë”, ka shkruar ajo.
Lajçak e Palmer gjatë ditës janë takuar edhe me kryeministrin Albin Kurtin dhe presidenten Vjosa Osmani.
