Ekipet e shpëtimit kanë gjetur 132 trupa njerëzish të torturuar dhe vrarë në Makariv, në rajonin e Kievit. Kjo u konfirmua nga Ministria e Mbrojtjes e Ukrainës, e cila në një postim në Tëitter, e quan zbulimin “një krim të ri, monstruoz lufte”.
“Në Makariv, një qytet i çliruar pak ditë më parë, ekipet e shpëtimit po kërkojnë gjithashtu viktimat e bombardimeve ruse që mbetën nën rrënoja. Qyteti, është gjysmë i shkatërruar”, thotë ministria.
Ndërkohë ministri i Jashtëm i Ukrainës Dmytro Kuleba ka shkruar në Twitter se është krijuar një arkiv në internet për të dokumentuar krimet e luftës të Rusisë.
“Ne kemi krijuar një arkiv në internet për të dokumentuar krimet e luftës të Rusisë. Provat e mbledhura për mizoritë e kryera nga ushtria ruse në Ukrainë do të parandalojnë kriminelët e luftës që t’i shpëtojnë drejtësisë”.
