Dokumente të klasifikuara të Ministrisë britanike të Mbrojtjes, në të cilën gjendeshin detaje të luftanijes “HMS Defender” dhe ushtrisë britanike, së fundmi janë gjetur në një stacion autobusësh në Kent të Anglisë.
Në një pjesë të dokumenteve ku përmendet luftanija mbretërore e marinës, misionin ministria e Mbrojtjes e ka përshkruar si “kalim i pafajshëm përmes ujërave territoriale të Ukrainës”, me armë të fshehta dhe helikopterë në hangarë.
Në një faqe tjetër zbulohen planet për vazhdimin e prezencës ushtarake në Afganistan, pavarësisht tërheqjes së trupave të NATO-s.
E zëdhënësi i kësaj ministrie, ka deklaruar se një anëtar i personelit i ka raportuar dokumentet si të humbura. Në anën tjetër, qeveria ka filluar hetimet lidhur me këtë incident.
Gazetarëve e BBC-së besojnë se dokumentet kanë edhe prezantime powerpoint, që kanë dalë nga zyra e një zyrtari të lartë të ministrisë së Mbrojtjes.
