Eshtrat e një alpinisti gjerman, i cili u zhduk në shtator 1986 në alpet zvicerane, janë zbuluar në një akullnajë në afërsi të Zermatt, një qytet afër kufirit me Italinë, sipas asaj që raportoi sot policia e kantonit Valais.
Analiza laboratorike e ADN-së së mbetjeve njerëzore, të gjetura së bashku me fragmente të pajisjeve të bartura nga viktima, kanë konfirmuar identitetin e alpinistit, i cili ishte 38 vjeç në momentin e aksidentit fatal, sipas agjencisë kombëtare zvicerane ATS.
Tërheqja e zakonshme e akullnajave në verë, edhe pse e përshpejtuar vitet e fundit për shkak të ngrohjes globale, ndonjëherë i lejon këto gjetje në zona të tilla si alpet zvicerane.
Ekspertët ekzaminuan më vonë mbetjet në spitalin Valais në Sion, kryeqyteti kantonal, në bashkëpunim me seksionin e identifikimit gjyqësor të policisë lokale.
Dhjetëra alpinistë kanë humbur jetën në dekadat e fundit në afërsi të Zermatt, një mekë për alpinizëm, veçanërisht në shpatet e majës mitike Matterhorn (e njohur edhe si Cervino), një simbol i vërtetë i Zvicrës.
