Letërsia shqipe po “gllabërohet” nga kulturat dhe letërsitë e mëdha evropiane dhe botërore
- Institucionet në Shqipëri dhe Kosovë, duhet të bëjnë shumë për sensibilizimin e lexuesve për krijmtarinë letrare të letërsisë shqipe dhe kulturën e artin në përgjithësi.
Bisedoj me një nëpunës në librarinë ” Dukagjini” dhe me Besianin në librarinë “Buzuku”, si dhe me disa nga libërshitësit në rrugë. Emërues i përbashkët e krejt këtyre bisedave është: çdo ditë e më pak lexues për të lexuar autorët e letërsisë shqipe.
Ka një “gllabërim” të heshtur nga kulturat e letërsive të mëdha, të cilat çdo ditë e më shumë, po e bëjnë të anatemuar shkrimtarin, poetin, kritikun, eseistin shqiptar etj.
Nëse gjendja vazhdon më tutje, nëse institucionet shtetërore nuk ndërmarrin veprime në sensibilizimin e vlerave të krijuara për kulturën, letërsinë shqipe, gjendja do të jetë më shumë se sa dëshpruese…!
