Gjenerali amerikan për Lindje të Mesme, Joseph Votel ka thënë se nuk pajtohet me vendimin e presidentit amerikan, Donald Trump për të tërhequr trupat amerikane nga Siria
Votel ka thënë për kanalin CNN, se militantët e grupit ekstremist, Shteti Islamik jane ende aktivë në Siri dhe se forcat e mbështetura nga Shtetet e Bashkuara ende nuk janë të gatshme që të përballen të vetme me rrezikun në këtë shtet.
Komandanti amerikan i ka thënë Senatit javën e kaluar se Trump nuk është konsultuar me të, kur ka njoftuar për planet rreth tërheqjes së trupave nga Siria.
Votel është vetëm një nga zyrtarët amerikanë që nuk janë pajtuar me vendimin e Trumpit në politikat rreth Sirisë.
