Gjermania regjistroi 73 viktima të reja nga koronavirusi gjatë 24 orëve të kaluara, duke e çuar në 432 numrin e përgjithshëm të viktimave, njoftuan autoritetet shëndetësore të vendit.
Faqja e internetit me qendër në Berlin, “Coronavirus-Monitor”, që përpilon të dhënat e përditësuara nga autoritetet lokale të shëndetësisë, raportoi 5 201 raste të reja, me të cilat numri i përgjithshëm i të infektuarve ka arritur në 56 572.
Deri tani janë shëruar më shumë se 9 200 pacientë të infektuar.
Gjermania është vendi i tretë në Europë me numrin më të madh të të infektuarve, por numri i viktimave në këtë shtet është më i ulët se në dy vendet më të goditura, Itali dhe Spanjë.
