Kostoja e benzinës dhe naftës në Gjermani ka arritur nivelin më të lartë historik, deklaroi shoqata gjermane e automobilave ADAC.
”Një ditë më parë, benzina kushtonte 1,712 euro (1,93 dollarë) bazuar në një mesatare ditore kombëtare duke thyer rekordin e mëparshëm prej 1,709 eurosh më 13 shtator 2012”, raportoi ADAC.
Çmimet u rritën edhe për naftën duke arritur në kuotën e 1,640 euro për litër.
Vlera e naftës Brent të Detit të Veriut ka kaluar së fundmi 90 dollarë për fuçi, niveli më i lartë i viteve të fundit.
Tendenca nxitet si nga faktorë ekonomikë ashtu edhe nga gjeopolitikë, teksa oferta është e pakët dhe kërkesa është e lartë.
Ndërkohë, tensionet politike në kufirin ruso-ukrainas po rrisin rrezikun për rritjen e çmimit të naftës bruto.
Rusia është një nga prodhuesit më të mëdhenj të naftës në botë.
Rritja e çmimeve të karburanteve pason uljet historike të regjistruara në vitin 2020, kur pandemia Covid-19 goditi ekonominë botërore për herë të parë.
