Autoritetet gjermane vlerësojnë të paktën 58 viktima nga përmbytjet e mëdha të shkaktuara nga moti i keq që ka goditur Gjermaninë.
Ministria e Brendshme e rajonit të Nordrhein-Westfalen raportoi katër trupa të tjerë të pajetë, duke e çuar numrin në këtë rajon në “të paktën 30 të vdekur”, ndërsa rajoni fqinj i Rheinland-Pfalz vlerëson të ketë edhe nëntë të vdekur, përveç 19 të listuarve tashmë.
Policia e Këlnit ka njoftuar për 20 të vdekur në zonën në jug të qytetit Westfalian, në Euskirchen.
Gjithashtu, ka edhe dhjetëra persona të zhdukur.
Gjermania Perëndimore u godit nga reshje të mëdha shiu dhe përmbytje.
“Shumë nga personat e zhdukur u gjetën në çatitë e shtëpive që u përfshinë nga lumi i tërbuar në komunën e Schuld në Rhineland-Palatinate”, tha një zëdhënës i policisë së Këlnit.
“Ne ende nuk kemi një pamje të qartë se sa viktima ka dhe po kërkojmë me helikopterë për persona të zhdukur”, deklaroi Armin Laschet, kryeministri i landit Nordrhein-Westfalen, një nga vendet më të prekur nga pasojat e motit të keq në Gjermani.
