Ministri i shëndetësisë i Gjermanisë ka shprehur shqetësimin pas shfaqjes së fotografive këtë fundjavë të qindra turistëve gjermanë, ku tregohej shpërfillja e rregullave të distancës sociale në ishullin spanjoll të Majorca.
Jens Spahn u tha gazetarëve të hënën se pandemia e koronavirusit nuk kishte mbaruar, duke paralajmëruar turistët gjermanë.
Fotografitë ku shfaqen turma të turistëve gjermanë që festojnë – shumë prej tyre pa maska - në baret dhe rrugët e Majorca kanë zemëruar autoritetet spanjolle dhe shqetësuar qeverinë gjermane.
Ishulli është një destinacion popullor për turistët gjermanë dhe britanikë. Pas heqjes së kufizimeve të udhëtimit disa javë më parë, shumë gjermanë kanë shfrytëzuar mundësinë për një pushim pas mbylljes.
Ministri Spahn tha që ishulli nuk duhet të bëhet një Ischgl i dytë – duke iu referuar vendpushimit të skive austriake që doli si një pikë e nxehtë e koronavirusit dhe burimi i disa prej infeksioneve të para të Gjermanisë.
Mijëra pushues gjermanë u lejuan të udhëtojnë në ishujt Balearic të Spanjës muajin e kaluar si pjesë e një skeme pilot për të ndihmuar në rindërtimin e sektorit të turizmit në vend./BBC
