Gjermania ka theksuar se NATO ndjek politikën e dyerve të hapura për anwtarwsimin e vendeve, por që kjo nuk mund të ndodh kur një vend është në mes të luftës, duke iu referuar Ukrainës.
Ministrja e Jashtme gjermane Annalena Baerbock tha se pranimi i një anëtari të ri nuk mund të bëhet ndërkohë që vendi është në luftë.
“Politika e dyerve të hapura të NATO-s mbetet në fuqi, por në të njëjtën kohë është e qartë se nuk mund të flasim për pranimin e anëtarëve të rinj (të cilët janë) në mes të një lufte,” tha Baerbock gjatë një takimi i të NATO-s në Oslo.
Në një takim jozyrtar në Oslo anëtarët e NATO-s kanë rënë dakord në parim që Ukraina do t’i bashkohet aleancës sapo të përfundojë lufta me Rusinë.
“Vendi i merituar i Ukrainës është në NATO. Me kalimin e kohës, mbështetja jonë do t’ju ndihmojë ta bëni të mundur”, tha Sekretari i Përgjithshëm i NATO-s Jens Stoltenberg.
