Gjermania ka rënë dakord të japë kompensim edhe për 6500 të tjerë të mbijetuar nga Holokausti. Kjo erdhi pas kërkesës së Konferencës mbi Pretendimet Materiale Hebreje ndaj Gjermanisë, e njohur edhe si Konferenca e Kërkesave.
Sipas vendimit, tre grupe të mbijetuarish hebrenj tani do të fillojnë të marrin një pension të përjetshëm mujor prej 375 €, duke filluar nga ky korrik që shkoi.
Ata janë afërsisht 4,500 hebrenj që i mbijetuan rrethimit të Leningradit gjatë Luftës së Dytë Botërore; 1,200 të mbijetuar nga Rumania dhe 800 të cilët jetuan të fshehur në Francë gjatë mbretërimit të terrorit nazist.
“Ky është një përparim historik,” tha Greg Schneider, nënkryetar ekzekutiv i Konferencës së Kërkesave, për marrëveshjen e re të kompensimit të negociuar me qeverinë gjermane.
