Ministria e Shëndetësisë në Gjermani ka publikuar shifrat e vaksinimit të shtunën, ku më shumë se 50 milionë gjermanë e kanë marrë dozën e dytë të vaksinimit.
Më shumë se 60% e njerëzve në Gjermani janë të vaksinuar plotësisht kundër COVID-19. Dozën e dytë të vaksinës e kanë marrë afërsisht 50 milionë vetë në Gjermani, që do të thotë 60.1% e popullsisë. Kurse 65% ose 54 milionë vetë janë vaksinuar të paktën një herë.
Kuota e vaksinimit ndryshon sipas landeve. Në Bremen për shembull janë vaksinuar më shumë se 74% e qytetarëve. Kurse në Saksoni kjo kuotë është më e ulët, rreth 54% e qytetarëve janë vaksinuar në këtë land me një dozë, 51,4% me dy doza.
“Çdo vaksinë na ndihmon që ta kalojmë së bashku me shëndet të mirë vjeshtën dhe dimrin”, shkroi ministri gjerman i Shëndetësisë, Jens Spahn (CDU), në Twitter.
