Ambasadorja e SHBA –së në Tiranë, ka reaguar pas emërimit të Artur Kalaja, si anëtari i tetë i Gjykatës së Lartë.
Në një postim që ka bërë në rrjetet sociale, Kim shkruan se është një hap i rëndësishëm për zbatimin e reformës në drejtësi. Kim ka paralmëruar se së shpejti do të emërohet dhe anëtari i 9-të.
“Hap i rëndësishëm përpara për zbatimin e Reformës në Drejtësi: Gjyqtari i 8-të emërohet në Gjykatën e Lartë me të 9-in që do të vijë së shpejti. Sapo të emërohet i 10-ti, Gjykata e Lartë do të ketë kuorumin për të caktuar 3 gjyqtarë të tjerë në Gjykatën Kushtetues. Faleminderit Këshillit të Lartë Gjyqësor dhe Presidencës për realizimin e kësaj.”
Artur Kalaja është anëtari i tetë i Gjykatës së Lartë që emërohet në këtë institucion pas vakancave disa vjeçare të shkaktuara nga reforma në drejtësi dhe vetting në radhët e drejtësisë.
Krahas dekretimit të anëtarit më të ri të Gjykatës së Lartë, presidenti Ilir Meta ka apeluar të gjitha institucionet që të nxitojnë me plotësimin e vendeve vakante në sistemin e drejtësisë.
