Sipas raportit të Institutit të Shëndetit Publik, për periudhën prej 19 deri më 25 tetor, gjithsej 13,993 materiale janë testuar në laboratorë ku kryhet testimi molekular për praninë e SARS-CoV-2. Është vërejtur rritje prej 5.9 për qind krahasuar me javën e kaluar, informuan sot nga Ministria e Shëndetësisë.
Janë regjistruar 3,410 raste të reja pozitive nga 35 qytete në vend, që është një rritje prej 27.4 për qind krahasuar me javën e kaluar. Shumica e rasteve të regjistruara janë nga Shkupi (n = 1,654; 48.5%), ku incidenca më e lartë javore është regjistruar – 267.8 / 100,000.
Në periudhën e përmendur, përqindja e pozitivëve nga personat e testuar është 24 për qind.
“Janë regjistruar persona të infektuar në të gjitha grupmoshat. Grupmosha më e zakonshme është 30-39 vjeç (n = 750, 22.0%). Një numër i madh i pacientëve është regjistruar te personat në grupmoshat mbi 60 (n = 673; 19.7%), 40-49 (n = 632; 18.5%), 50-59 (n = 595; 17, 4%) dhe 20-29 (n = 539; 15.8%). Numri më i ulët është regjistruar në mesin e fëmijëve të moshës 0-9 (n = 72; 2.1%) dhe 10-19 vjeç (n = 149; 4.4%)”, kumtojnë nga Ministria e Shëndetësisë.
Sa i përket shpërndarjes gjinore, u raportuan 1,695 (49,7 për qind) femra dhe 1,715 (50,3 për qind) meshkuj. Nga rastet, 555 ose 16.3 për qind u ekzaminuan në mënyrë epidemiologjike.
“Pas marrjes së dy testeve negative për praninë e SARS-CoV-2 ose përdorimit të algoritmit të ri, të shëruar rezultojnë 1,566 njerëz që kanë qenë të shtruar në spital ose janë trajtuar në shtëpi, 477 më shumë se javën e kaluar”, thonë nga ministria.
Janë raportuar 84 vdekje nga 24 qytete, një rritje prej 71.4 për qind krahasuar me javën e kaluar. Për sa i përket moshës, 70 persona ishin mbi 60 vjeç, 13 persona të moshës 50-59 vjeç, tre vdekje u raportuan nga grupmosha 40-49 vjeç dhe 20 në grupmoshën 30-39 vjeç. Nga vdekjet, 45 ose 53.6 për qind janë hetuar në mënyrë epidemiologjike.
Raporti i hollësishëm i Institutit të Shëndetit Publik mbi situatën me Kovid-19 për periudhën 19-25.10.2020, si dhe situata kumulative me Kovid-19 në Republikën e Maqedonisë së Veriut është publikuar në ueb faqen e Institutit të Shëndetit Publik.
