Ish-luftëtari i UÇK-së, Dritan Goxhaj, tha se nuk kishte besim se do të lirohej nga burgu, sepse duke parë shkeljet ligjore që iu bënë nga ana e Gjykatës, nuk kisha shpresë.
“Mënyra e arrestimit më erdhi e papritur. Besim se do të lirohesha nuk kisha sepse duke parë shkeljet që m’u bënë në Gjykatën e Shkallës së Parë, nuk shqetësohesha më. Por ajo që më shqetësoi ishte veprimi i shtetit shqiptar. Pra, shtetit ra nën hegjemoninë jo të Kosovës, por të Gjykatës Speciale të Kosovës,” u shpreh Goxhaj.
Këto deklarata ish-luftëtari i UÇK-së, i bëri në emisionin “3D” të Alban Dudushit në Radiotelevizionin Shqiptar.
Ndër të tjera, Goxhaj tha se “e prisja që të me vinte një thirrje nga Gjykata Speciale, qoftë për këtë arsye, apo për arsye te tjera, por shteti shqiptar angazhon gjithë fuqinë e tij të Forcës Operacionale”.
Duke falënderuar mediet dhe gjithë mbështetësit që e ndihmuan në këtë situatë të vështirë, ai tha se “gjykata shqiptare nuk u mor me gjykimin e veprës, por më kërkesën për ekstradim. Pra gjykata vendosi se kërkesa e ekstradimit nuk qëndron sepse nuk përmbush kushtet e ligjit në Shqipëri për t’u ekstraduar.”
Gjithashtu luftëtari i UÇK-së foli dhe për dëshmitarët në gjyqin e tij, sikurse e cilësoi ai, personat që janë shfaqur si dëshmitarë nuk janë dëshmitarë, sepse “me atë që kuptohet, personat nuk kanë qenë ushtarë në UÇK, nuk kanë qenë në Kosovë fare ne këtë periudhë.
“Kemi dy koncepte, ai nuk është as tek ‘dëshmitarët e fshehur’ dhe as tek ‘dëshmitarët e mbrojtur’. Si mund të jetë dëshmitar i fshehur dhe kur pala e akuzuar nuk e njeh dhe nuk e di kush është?” nënvizoi ai.
Në përfundim Goxhaj tha se “unë jam i lirë të lëvizë brenda Republikës së Shqipërisë dhe nëse dal jashtë më çojnë automatikisht me ‘pushime’ në Hagë, siç më çuan me ‘pushime’ tek 313“.
