Ndeshja mes Serbisë dhe Zvicrës po prodhon një skandal në shkallët e stadiumit. Gjithçka nisi në orën 20:45 për Ligën e Kombeve dhe prej atëherë nuk janë ndalur koret raciste kundër Shqipërisë dhe “Kosova është Serbi”.
Po ashtu, vihet re se sa herë që Granit Xhaka prek topi ka vërshëllima dhe ofendime ndaj lojtarit.
Dhe pse supozohet të jetë ndeshje futbolli në Leskovac, ultrasit serbë vazhdojnë me ofendimet dhe koret raciste, ndërsa përballë kanë Zvicrën. Stjuardët kanë provuar të heqin flamujt provokues me urdhër të UEFA-s, megjithatë asgjë nuk ka ndryshuar. Stadiumi është i mbushur me simbole kundër Shqipërisë dhe Kosovës.
Kujtojmë se kapiten i helvetëve, që po luan nga minuta e parë, është Granit Xhaka. Lideri i Zvicrës, që shpreson të dalë me rezultat pozitiv nga takimi sot. Ndeshja mes Serbisë dhe Zvicrës ka nisur në orën 20:45 dhe luhet në kuadër të Ligës së Kombeve.
