Ish i dërguari i Shteteve të Bashkuara të Amerikës për dialogun Kosovë-Serbi Richard Grenell, tha se sipas tij Shqipëria po lulëzon dhe se një nga pikat e forta të vendin është pavarësia energjetike.
“Unë mendoj se është ide jo shumë e zgjuar që amerikanët t’i japin thjesht para shqiptarëve pa ndihmuar vetën e tyre. Sigurisht që duam të kemi një partner më të fortë, nëse është sektori privat duam të bëjmë më shumë për vendin tonë, më shumë shërbime.
Ndoshta ju mund të ofroni shumë produkte këtu, që mund të jenë shumë më lirë dhe duhet të përfitojmë edhe ne. Nuk është ide e zgjuar që të japim para vetëm ne, pa asgjë në shkëmbim”, tha Grenell.
“Shqipëria po lulëzon, Tirana të çudit. Ka ndërtesë në çdo cep të Tiranës. Arsyeja që kjo po ndodh është se investitorë të jashtëm po shikojnë që ky është një bast i mirë dhe unë po bëj bast për Shqipërinë, për të mirën e Shqipërisë. Po hedh bast për Tiranën, për zhvillimin e Shqipërisë, sepse keni njerëz që e duan shumë kapitalizmin.
Shqiptaro-amerikanët janë disa nga njerëzit më të suksesshëm më punëtor dhe më pro amerikanë që kam parë ndonjëherë. Dhe unë ia atribuoj faktit që e dinë çfarë është fashizmi”, shtoi Grenell.
I pyetur se a mund të ndikojë lufta Rusi – Ukrainë, në zhvillimin e Europës Perëndimore të pavarur nga fusha energjitike, Grenell tha se kjo është një ndër pikat kryesore të rëndësishme të vendit.
“Mendoj se Shqipëria është e para nga këtë drejtim sepse nuk varet nga Rusia, ashtu si të tjerët. Një ndër momentet më krenare që kam pasur me negociatat midis Kosovës dhe Serbisë ishte të shikoja palën serbe të pranonte të nënshkruante këtë marrëveshje. Duke pasur parasysh këtë, Serbia do të fillonte të decertifikonte burimet energjetike.
Serbia u angazhua për këtë gjë dhe kjo është fantastike sepse ata marrin kaq shumë nga Rusia dhe t’i bësh të mundur që të shkëputen dhe të kenë alternativa të tjera energjitike mendoj se është e shkëlyer”, tha Grenell, i ftuar në “Top Story” me Grida Dumën.
