Zëvendëskryeministri i parë i RMV-së, tha se për dy ose tre muaj do të rumbullaksohet dialogu, Maqedoni-Bullgari.
Duke folur më tej në debat, Grubi theksoi se në Bruksel sot kryeministri grek ka organizuar darkë ku është debatuar për Maqedoninë e Veriut në drejtim të integrimit europian.
Ai tha se në fund të javës mund të ketë takim mes dy kryeministrash, Kovaçevski-Petkov për të biseduar për një zgjidhje afatshpejtë.
Zv. Kryeministri tha se sonte, Bujar Osmani vetëm se gjendet në Bruksel, njoftoi se nesër dy ministrat Bekteshi dhe Shaqiri do të shkojnë në Sofje për të diskutuar me homologët e tyre bullgar.
