Grupi i parë i ushtarëve ukrainas ka nisur një program të ri trajnimi në Mbretërinë e Bashkuar për të ndihmuar në luftën kundër trupave pushtuese ruse.
Deri në 10 mijë ushtarë do të trajnohen në pikat e ministrisë së Mbrojtjes (MoD) në të gjithë vendin gjatë muajve të ardhshëm.
Programi do t’u japë rekrutëve vullnetarë aftësitë e nevojshme për të luftuar në vijën e parë, tha ministria e Mbrojtjes britanike.
Sekretari i Mbrojtjes, Ben Wallace tha se ishte “faza tjetër” në mbështetjen e Mbretërisë së Bashkuar për forcat e armatosura ukrainase.
Rreth 1,050 personl shërbimi në Mbretërinë e Bashkuar janë duke u vendosur për të drejtuar programin në pikat në të gjithë Mbretërinë e Bashkuar – më shumë se 1,600 kilometra larg nga fushëbetejat e Donbasit në Ukrainën lindore.
Programi i udhëhequr nga Mbretëria e Bashkuar synon të trajnojë deri në 10,000 ukrainas në 120 ditë, por do të ishte “i hapur për më shumë”, tha sekretari i mbrojtjes.
