Dritan Gjoni po korr 40 ha të mbjella me grurë. Ai prej 30 vitesh në tokat e tij në Lushnjë kultivon këtë kulturë ndërsa kjo është një ditë e gjatë pune për të.
Dritani shtoi këtë vit sipërfaqen e mbjellë me grurë pas rritjes së kërkesës vitin e kaluar si dhe pasi mori subvencionet nga qeveria.
Këtë sezon çmimi është më i ulët, por ai thotë se puna ia ka vlejtur.
Ky fermer këtë vit ka mbjellë 3 lloje të ndryshme farash për të patur sa më shumë rendiment.
Kjo është një ditë e gjatë pune edhe për ata që punojnë me autokombajnë. Ky i moshuar ka një jetë që merret me këtë punë.
Pas nisjes të luftës së Rusisë në Ukrainë dhe bllokimit të transportit të drithërave, u rrit kërkesa për grurë dhe çmimi ishte më i lartë. Por këtë vit fermerët e Myzeqesë e tregtojnë këtë produkt më i lirë, me 2700 Lekë kv.
