Trajneri i Turqisë, Senol Gynesh i druhet
Shqipërisë në ndeshjen që do të zhvillohet në Stamboll të premten në kuadër të
kualifikueseve për Euro 2020.
Në konferencën për shtyp, ai u shpreh se kuqezinjtë janë një kundërshtar i
vështirë që meriton vlerësim maksimal, por theksoi se objektivi është fitorja
për të shkruar në Europian.
“Luajmë dy ndeshjet ë rëndësishme për Evropianin ndaj Shqipërisë dhe Francës. Përballemi me dy ekipe të ndryshme, por objektivi mbetet i njëjtë, të fitojmë. Franca është favorite e grupit dhe ne do të luajmë për vendin e parë në grup me ta. Prioriteti ynë do të jetë Shqipëria. Kjo është ndeshja jonë më e rëndësishme në 4 takimet e mbetura”, shprehet Gynesh.
Trajneri Edi Reja ka aplikuar modulin 3-5-2 dhe në ndeshjen me Islandën skuadra tregoi se me këtë rreshtim mund të jetë shumë e rrezikshme në sulm dhe kompakte në mbrojtje.
“Shqipëria është një skuadër me lojtarë
kualititativ, ku një pjesë e mirë e tyre luajnë në ligat kryesore në Evropë. Ne
duam të fitojmë me mbështetjen e tifozerisë. Trajneri i tyre është i njohur në
Itali dhe me eksperiencë. Ata kalojnë nga skema 3-5-2 në 5-3-2. Janë luftarakë
dhe kompakt në mbrojtje. Nëse keni një mendim negativ për Shqipërinë, duhet ta
harroni. Ne duhet të jemi një ekip agresiv duke vrapuar po aq shumë sa ata. Ata
mundohen të luajnë topin, nuk luajnë totalisht në mbrojtje si Moldavia apo
Andorra. Kthehen në mënyrë të suksesshme nga mbrojtja me tre te ajo me pesë “,
përfundoi Gynesh.
Takimi mes Turqisë dhe Shqipërisë do të luhet të premten e 11 tetorit në orën
20:45. Dueli është i vlefshëm për grupin H kualifikues. Aktualisht, dy
kombëtaret mbajnë pozicionet 1 dhe 4 në klasifikim, me një distancë prej
gjashtë pikësh nga njëra-tjetra./Ora News/
