Kompania ajrore ruse Nordwind Airlines ka njoftuar se do të filloj fluturime të drejtpërdrejta nga Moska drejt kryeqytetit të Shqipërisë, Tiranë duke filluar nga 30 prilli.
Nordwind do të kryejë dy fluturime javore drejt Tiranës, të mërkurën dhe të shtunën, u shpreh kompania ruse në një njoftim për shtyp.
Në Evropën Juglindore, Nordwind fluturon gjithashtu drejt Maqedonisë së Veriut, Turqisë, Serbisë dhe Kroacisë.
Nordwind është një nga linjat ajrore më të mëdha në Rusi për sa i përket qarkullimit të pasagjerëve dhe ka një nga rrjetet më të gjera të fluturimeve në vend.
