Deputetja e opozitës parlamentare, Rudina Hajdari, theksoi se qytetarët sot meritojnë të votojnë kandidatët përfaqësues sepse kanë humbur çdo lloj shprese nga klasa politike.
Në një intervistë televizive duek folur për hapjen 100% të listave Hajdari tha se “çdo gjë që ka të bëjë me sakrificën njerëzore, për ta çuar këtë cështje deri në fund. Nuk do të dorëzohem në asnjë moment. Mendoj që qytetarët sot meritojnë të votojnë kandidatët përfaqësues sepse kanë humbur çdo lloj shprese nga klasa politike”.
Lidhur me pyetjen nëse e ka menduar rikthimin në PD apo do vazhdojë në një force tjetër politike, Hajdari u shpreh se “e kam zgjedhur rrugën time, më kanë braktisur të tjerë për parimet e mia, jo unë. PD ka braktisur si mua ashtu edhe shumë njerëz të tjerë”.
