Kryetari i AAK-së, Ramush Haradinaj ka akuzuar sot kryeministrin në detyrë, Albin Kurtin, duke thënë se ai po e heq taksen me Serbinë për shkak të interesave ekonomike që ka me Serbinë.
Gjatë intervistës dhënë në Frontal, ish-kryeminstri është shprehur i bindur së Kurti dhe njerëzit e tij kanë interesa tregtare me Serbinë.
“Kjo qeveri ka interesa të ndërlidhura, pra interesa tregtare me Serbinë”, ka thënë Haradinaj.
Ish-kryeministri e ka sqaruar se kjo akuzë e tij ka të bëjë drejtpërdrejtë me kryeministrin në detyrë.
“Po direkt Albin Kurti, shihet që nuk e ka heq taksen me kriju një kundër vlerë me Amerikën, as me askënd. E hoqi vetëm në raport me Serbinë. Edhe shihet që njerëzit rreth Kurtit, ata që e rrethojnë, apo Albin Kurti ka interesa direkt të lidhuar me ekonominë e Serbisë”, ka thënë Haradinaj në T7.
Kryetari i AAK-së, Ramush Haradinaj, ka krahasuar sot Albin Kutin me liderin e Venezueles, Nikolas Maduro.
“Ata që janë rreth tij janë tu e qu kah rruga e Madures, po krojojnë një Maduro në Kosovë, është keq për të, vendin, edhe rajonin. Nuk ka logjikë që kryeministrin e Kosovës me i mbarojnë një Zizek. E kanë kap një e majtë të çuditshëm, po e qojnë këtë vend te një Maduro”, ka thënë Haradanaj.
Haradinaj ka thënë që Kurti është kryeministri i parë dhe i vetëm që e ka shkelë kushtetutën madje në një temë shumë të rëndësishme.
“Kurti është kryeministri i parë dhe i vetëm që e ka shkelë kushtetutën madje në një temë shumë të rëndësishme.Nuk po flasim për m0oral se është larg, por duhet me reflektu pas këtij vendimi të qeverisë”, ka thënë Haradinaj.
