Kryeministri Ramush Haradinaj, sot ka përkujtuar të rënët në Betejën e Grykës Kaçanikut 20 vjet më parë. Ai ka thënë se kjo Brigadë ia fali 28 dëshmorë, duke ia shkruar sërish historinë e lavdisë.
“Kaçaniku, me Brigadën 162 “Agim Bajrami”, e lartësoi emrin e vet edhe njëherë në Luftën Çlirimtare. Lirisë së Kosovës, kjo brigadë ia fali 28 dëshmorë, duke ia shkruar sërish historinë e lavdisë. Më 9 prill, 20-vjet më parë, Gryka e Kaçanikut jehonte gjatë luftimeve, nga këngët dhe pushkët e lirisë të bijave dhe bijve të tij më të devotshëm. Sot me respekt e krenari i kujtojmë dëshmorët e kësaj beteje. Lavdi e përjetshme!”, ka shkruar Haradinaj në Facebook.
