Kryeministri Ramush Haradinaj ka reaguar pasi zyrtarëve të OKB-së që kanë deklaruar se Kosova nuk mund ta debojë zyrtarin e saj, i cili ditë më parë u arrestua nga Policia e Kosovës.
Rusi Mikhail Krasnoshchenkov punonjës i misionit të UNMIK-ut në Kosovë është arrestuar me dyshimin se kishte penguar aksionin e Policisë së Kosovës, duke ndihmuar banorët vendas që të vendosnin barrikada.
Sot kryeministri Haradinaj ka kërkuar nga Ministria e Punëve të Jashtme që në bazë të kompetencave kushtetuese dhe ligjore të shpallet “non-grata” personi në fjalë.
“Policia e
Kosovës gjatë operacionit kundër krimit të organizuar dhe kontrabandës ka
arrestuar një qytetar rus, një spiun të kamufluar si punëtor i Organizatës së
Kombeve të Bashkuara i cili ka penguar sundimin e ligjit duke përdorur veturën
zyrtare të OKB-së.
Veprimet e tij janë kundër së drejtës dhe normave
ndërkombëtare. Pengimi i drejtësisë dhe keqpërdorimi i simboleve të OKB-së janë
shkelje e rëndë. Misioni i Rusisë pranë OSBE-së duhet ta kuptojë se sundimi i
ligjit është përgjegjësi e jona ndaj të gjithë qytetarëve të Kosovës në një
shoqëri që ne ndajmë së bashku”, ka shkruar Haradinaj në Facebook./KosovaPress/
