Kryeministri i Kosovës, Ramush Haradinaj gjatë ceremonisë përkujtimore për veprimtarinë e ambasadorit të parë të Kosovës Enver Hadri, theksoi se beson që në qershor të këtij viti qytetarët e Kosovës mund të lëvizin lirshëm në vendet e tjera.
“Për këtë e ceka këtë deklaratën e ministrit gjerman që thotë se janë për t’u respektuar reformat. Bazuar në këtë vlerësim unë mendoj që po shkojmë kah liberalizimi. Unë shpresoj shumë se në qershorin e këtij viti do ta marrim atë që është e drejtë e jona, pra liberalizimin e vizave”, tha Haradinaj.
