Kryeministri Ramush Haradinaj ka ripërsëritur sot se taksa 100 përqind ndaj produkteve të Serbisë, nuk do të hiqet pa e njohur Serbia Kosovën.
“Kur në Beograd thonë ‘nikada’, i bie ‘kurrë, kurrë s’iu njohim’. Nuk mundemi ne me përdorë fjalë tjetër. Nëse ai thotë kurrë nuk të njoh, çka të themi ne në Kosovë? Edhe ne mund t’i themi epo kurrë nuk e heqim taksën. Pse po e them këtë? Kini parasysh, është treg i rëndësishëm Kosova. Kur e kemi vendosë taksën kanë bërë hajgare me ne. Njohja është vlera e heqjes së taksës”, ka thënë Haradinaj.
