Kryetari i Aleancës për Ardhmërinë e Kosovës, Ramush Haradinaj tha sot se ndihet i nderuar që ka punuar me presidentin e Kosovës, Ibrahim Rugova.
Haradinaj në ditëlindjen e 78 të presidentit Rugova tha se e kujton si një personalitet i një politike humane, paqësore, në interes dhe në mbrojtje të të drejtave të popullit të Kosovës.
“Sot, në ditëlindjen e tij, Presidentin Rugova e kujtojmë si një personalitet i një politike humane, paqësore, në interes dhe në mbrojtje të të drejtave të popullit të Kosovës.
E kam për nder që kam punuar me të, në vitet e para të lirisë, në kohën kur kishte probleme e tema me rëndësi të madhe nacionale.
Urime ditëlindja President Rugova!”, shkruan Haradinaj.
Presidenti Rugova ka lindur më 2 dhjetor 1944, ndërsa ka vdekur më 21 janar 2006.
