Nënkryetari i Lidhjes Demokratike të Kosovës, Lutfi Haziri ka thënë se kandidatja për kryeministre nga radhët e LDK-së, Vjosa Osmani, mund të jetë kryetare e Kuvendit të Kosovës për një vit.
“Presidenti është çështje e mbyllur, por ka mbetur vetëm çështja e kryeparlamentarit. E Vjosa Osmani ka mundësi të jetë kryetare e Kuvendit për një vit”, ka thënë Haziri në T7.
Ai ka thënë se lidhja e koalicionit me VV-në ende ka mundësi të ndodhë para datës 4 shkurt, pasi sipas tij, arritja e një marrëveshje për bashkëqeverisje është i vështirë, por jo i pamundur.
Ai tutje ka shpjeguar edhe problemet që qëndrojnë si pengesë për lidhjen e këtij koalicioni. “Ka probleme me ndarjen e përgjegjësisë. E kemi vendosur standardin se partia që fiton e ka kryeministrin. VV gaboi kur e hodhi në votim kryeparlamentarin, por edhe ne me votimin bllanko të tij”, tha Haziri.
Ai më tej ka pohuar se pozicioni i LDK-së është i konfirmuar me letrën e 8 janarit, kurse Vetëvendosje është në pozitën e 26 dhjetorit.
Haziri ka sqaruar se LDK e she koalicionin vetëm më VV-në, pasi vijë të kuqe ka me PDK-së, kurse një qeverisje me AAK-në dhe Nismën nuk do të funksiononte.
Duke folur për zgjedhjen e Presidentit, ai ka thënë se në situatën më ideale, për pozitën e presidentit do t’i kishin 76 vota të deputetë në Kuvend.
Haziri ka pohuar se LDK ka me vepruar unike edhe për koalicion, edhe për veprimin ndryshe.