Kancelarja gjermane, Angela Merkel i ka bërë thirrje Rusisë që të hetojë helmimin e liderit te opozitës ruse, Alexei Navalny dhe të merren masat e duhura për ndërshkimin e autorëve.
Mjekët gjermanë kanë pohuar se ekzaminimet kanë treguar se lideri i opozitës ruse ishte helmuar para se të humbte ndjenjat në një aeroplan në Rusi javën e kaluar.
“Ata që janë përgjegjës duhet të identifikohen dhe të përgjigjen,” tha Merkel në një deklaratë të përbashkët me Ministrin e Jashtëm Heiko Maas.
Rusia ende nuk e ka komentuar pretendimin e mjekëve gjermanë.
