Një hetim publik është zhvilluar për zjarrin që ka ndodhur në Londër dy vite më parë në Kullën Grenfell, ku kanë humbur jetën 71 qytetarë.
Në hetim vlerësohet se disa jetë njerëzish mund të ishin shpëtuar, nëse do të veprohej më mirë.
Nga hetimi del se:
Shërbimet e urgjencës natën e zjarrit u thanë banorëve që të “të qëndrojnë të vendosur”.
Koncepti i shpëtimit, mbështetej në supozimin se zjarri nuk ishte në gjendje të përhapet midis njësive të ndërtesës.
Shefi i zjarrit në Londër u quajt “jashtëzakonisht i pandjeshëm”.
Zjarri më vdekjeprurës në Britani në një ndërtesë banimi që nga Lufta e Dytë Botërore, tronditi kombin dhe nxiti kritikat se si bllokimi në një banesë sociale në një bashki të pasur të Londrës Perëndimore, u lejua të bëhej një kurth vdekjeje.
Londinezët që e vëzhguan me lot bllokun e banesave derisa digjeshin, e përshkruajnë se si njerëzit e bllokuar në ndërtesë bërtisnin për ndihmë.
Në fazën e saj të parë, hetimi publik u drejtua nga gjyqtari në pension, Martin Moore-Bick, i cili ekzaminoi në detaje analizat mjeko-ligjore në kullën 23-katëshe, të ndodhur natën e 14 qershorit 2017, përfshirë edhe veprimet e zjarrfikësve.
Gjatë fazës së dytë, do të trajtohet çështja, nëse janë respektuar rregullat e sigurisë dhe nëse ato ishin adekuate në mirëmbajtjen e Kullës.
Sipas fragmenteve të raportit të tij të fazës një, të botuar sot gjerësisht nga mediat britanike, Moore-Bick tha se një defekt elektrik në një frigorifer në një banesë të katit të katërt, ishte fillimi i zjarrit.
Flakët atëherë përfshinë me shpejtësi kullën, kryesisht për shkak se ajo ishte mbuluar gjatë një rinovimi të kohëve të fundit me veshje të bërë nga materiali i ndezshëm, i përbërë nga alumini që vepronte si burim i karburantit./KosovaPress/
