Zbulohen rreth 100 struktura nga civilizimi i lashtë Chachapoya në Peru. Njiheshin si Populli i Reve, pasi banimet e tyre i ndërtonin në mes të pyjeve tropikale, në rreth 3000 metra lartësi, dhe për arkeologët ka qenë gjithnjë mjaft e vështirë të penetronin në thellësitë e xhunglave për kërkime.
Kësaj here zbulimi, që konsiderohet i jashtëzakonshëm, është realizuar me ndihmën e teknologjisë së avancuar, e nëpërmjet pajisjeve nga lartësia është hedhur dritë mbi misteret e këtij populli të lashtë të Amerikës së Jugut.
I rezistuan për shumë shekuj Inka-ve, por u asimiluan nga perandoria pak para mbërritjes së hispanikëve.
Strukturat e gjetura ishin pjesë e një rrjeti të gjerë vendqëndrimesh, të ndërlidhura mes tyre nga shek. VII–XVI, dhe dallojnë për arkitekturën rrethore, format gjeometrike, dhe varrezat në majat më të larta të maleve.
Gjithashtu, tempujt e shumtë, dekorimet dhe pozicioni spektakolar në lartësi ekstreme mes pyjesh, pranë reve. Gjithashtu janë gjetur edhe një rrjet rrugësh që lidhnin fiset me njëra-tjetrën, në një strukturë territoriale mjaft komplekse por të mirëorganizuar.
Gran Pajaten, zona e pasur me gjurmë të këtij civilizimi antik, nuk është e aksesueshme për turizmin, për të ruajtur të paprekur këtë pasuri kulturore.
