Gjashtë skuadrat shqiptare nga të gjitha trojet që mbeten në garë në Conference League kanë njohur edhe kundërshtarët e mundshëm të turit të tretë kualifikues. Shorti i hedhur në selinë e UEFA-s në Nion i buzëqeshi Tiranës dhe Ballkanit, dy skuadrat që luajnë në rrugën e kampionëve, pas eliminimit nga Champions.
Nëse kalon La Fiorita-n, Ballkani do të ketë si kundërshtar fituesin e duelit ndërmjet malazezëve të Sutjeskas dhe KÍ nga ishujt Faroe. Ndërkohë, nëse kalon me sukses sfidën me boshnjakët e Zrinjski, Tirana do të luajë në turin e tretë me fituesin e Tobol Kostanay nga Kazakistani dhe Lincoln Red Impsnga Gjibraltari.
Nga rruga kryesore, misioni i shqiptarëve do të jetë më i vështirë. Nëse kalon rumunët e Universitatea Craiova, në turin e tretë Vllaznia do të ketë përballë Zorya Luhansk, skuadrën ukrainase të një prej territoreve të pushtuara nga Rusia.
Laçi do të synojë të kalojë moldavët e Petrocub-Hincesti. Në rast suksesi, kurbinasit do të kenë përballë fituesit e çiftit Fehérvár nga Hungaria dhe Gabala nga Azerbajxhani. Nëse kalon letonezët e Valmiera, Shkëndija e Tetovës do të sfidojë fituesin e duelit ndërmjet suedezëve të AIK dhe ukrainasve të Vorskla Poltava.
Misioni ndaj belgëve të Antwerp do të jetë tejet i vështirë për Dritën, që nëse kualifikohet do të sfidojë finlandezët e Seinwjoki ose norvegjezët e Lillestrøm.
Ndeshjet e turit të tretë të Conference League do të luhen më 4 dhe 11 gusht. Pas tyre vjen faza “play-off”, që vlen edhe një biletë në grupe.
Rruga e kampionëve në Conference League
La Fiorita (SMR) / Ballkani (KOS) VS. Sutjeska (MNE) / KÍ (FRO)
Tirana (ALB) / Zrinjski (BIH) VS. TobolKostanay (KAZ) / Lincoln Red Imps (GIB)
Rruga kryesore
Valmiera (LVA) / Shkëndija (MKD) vs. AIK (SUE) / Vorskla Poltava (UKR)
Seinäjoki (FIN) /Lillestrøm (NOR) Vs. Royal Antwerp (BEL)/ Drita (KOS)
Zorya Luhansk (UKR) vs. Vllaznia (ALB) /Universitatea Craiova (ROU)
Fehérvár (HUN) / Gabala (AZE) vs. Petrocub-Hincesti (MDA) / Laçi (ALB).
